HILDE MARIE 

 

Det er med stor glede og stolthet eg kan presentera meg som dagleg leiar og eigar av Tysnes Treningssenter saman med mannen min, Jon Helge. Me ynskjer at senteret skal vera ein god stad for deg, uavhengig av kor mykje du kan om trening før du går inn dørene.  

 

Eg er levande opptatt av helse, ernæring og fysisk aktivitet. Eg er glad i ein aktiv kvardag, matlaging og er konstant på utkikk etter ny kunnskap.

Balanse, forebygging, helse og rein mat er stikkord som står høgt i verdi. 

 

Idrett har alltid vore ein del av min kvardag og eg har stor glede av det.

 

• Eg har vore aktiv friidrettsutøvar i alt frå mangekamp til sleggekast.

• 2 junior-Norgesmeister titlar (slegge),

• 2 4. plassar i senior NM (slegge) og

• 7. plass i Nordisk for juniorar i sleggekast

 

Eg har også vore aktiv innan fotball og volleyball.

 

Etter 2 år med ME (kronisk utmattelsesyndrom), har fokuset retta seg mot å oppnå balanse i kvardagen. Gunstig kosthald, variert trening, skadeforebygging, restitusjon, familie, jobb og glede.